Groseko Indarra Surf Eskola

2006an eskola jaio zenetik, GROSEKO SURF ESKOLAN helburu bakarra izan dugu: Surfaren, batzen gaituen bizimodu honen, inguruko ezagutza eta grina transmititzea. Surf ikastaroen bidez, urteen poderioz perfekzionatu dugun metodologia bati esker, gure ikasleak dibertitzen diren aldi berean surfeatzen ikastea eta surf maila hobetzea lortzen dugu.

Surfa jende ororentzat irekirik dagoen esperientzia bezala ulertzen dugu, horrexegatik adin eta maila guztietarako ikastaroak eskaintzen ditugu. Haur, gazte eta helduentzako hastapen ikastaroetatik hasi eta hobekuntza eta teknifikazio–errendimendu mailara iritsi arte.

Badakigu ordea, dena ez dela olatu kontuetara mugatzen eta honegatik, ahaztezina izango den esperientzia bat izan dezazun,  naturaz gozatzeko irrika zurekin elkarbanatu nahi dugu. Antzeko motibazioak dituen jendea ezagutzeko aukera eskaintzen dizugu eta surfaren munduan murgiltzeko aukera ezin hobea zure eskura jartzen dugu.

Surfean lehen urratsak emateko. Olatu txikiak eta aparrak urertzean hartzen dira monitoreak lagunduta.

Landuko diren atalak: Uretan taularekin moldatzea, arraunketa, zutitzea eta olatuak surfeatzea oinarri – oinarrizko mailan.

• Taldeak adin eta mailaren arabera antolatzen dira.
• Monitore bakoitzeko gehienez 6 ikasle biltzen dira.
• Taldea osatzeko gutxienez 3 ikasle behar dira.
• Ikastaroa burutzeko behar den material guztia prezioaren barne dago: Aldagela + taula + neoprenoa + monitorea + asegurua.

Surfean lehen urratsak eman ondoren surfeatzen jarraitzeko. Monitorearekin batera uretara joan eta taldearen mailara egokitzen diren olatuak bakarka (monitoreen bultzada gabe) hartzen ikastea da helburua. Dagoeneko arraunean eta zutitzen oinarrizko maila duten pertsonentzat pentsatua.

Landuko diren atalak:  Taulari norabidea ematea, arraunketa, zutitzea eta olatuak surfeatzea maila aurreratuan. Urautsira iritsi eta kokatzen ikasi, olatuak pasatzeko teknikak ikusi, eskapeak egin eta oinarrizko maniobren hastapena.

• Taldeak adin eta mailaren arabera antolatzen dira.
• Monitore bakoitzeko gehienez 6 ikasle biltzen dira.
• Taldea osatzeko gutxienez 3 ikasle behar dira.
• Ikastaroa burutzeko behar den material guztia prezioaren barne dago: Aldagela + taula + neoprenoa + monitorea + segurua.

Surfaren alderdi teknikoena ezagutu eta beren maila hobetzeko gogoa duten surflarientzat. Batetik, bakoitzaren gozamenerako maila hobetu nahi dutenentzat pentsatua dago. Bestetik, txapelketetan hasteko edo hauetan emaitzak hobetzeko grina dutenentzat. Ur kanpoan (gimnasioan:  TRX, Bosu, Rulo, …) egiten diren entrenamendu fisiko eta teknikoek uretako saioen bideograbazio eta zuzenketekin konbinatzen dira.

Surflariak uretan beren kabuz ibiltzeko eta kondizio anitzetan olatuak surfeatzeko gai izan behar du.

Landuko diren atalak: Indarra, erresistentzia, oreka eta flexibilitatea. Surferako egoera fisiko egoki bat lortzeko beharrezkoa dena alegia. Teknika aldetik, arraunketa, zutitzea, posizioa, kokapena eta olatuen irakurketa maila altura eramatea bilatzen da. Honez gain, oinarrizko maniobrak zein maniobra aurreratuak burutzeko teknika landuko da.

Talde handi batekin (10 pertsonatik aurrera) bazatoz edo zure eskolarako irteera bat antolatu eta gurekin surf ikastaroa burutu nahi baduzu, prezio bereziak ditugu zuretzat. Prezio zehatzak jakiteko jarri gurekin harremanetan!

Eskaintzen dugun edozein surf ikastaro oparitu diezaiokezu zuk nahi duzun pertsonari. Horretarako nahiko da gurekin harremanetan jartzea eta oparia jasoko duen pertsonaren datuak jakinaraztea.

Zerbitzu hoberenak eskaini ahal izateko ezinbestekoa da langile talde hoberena izatea. Honegatik, gure staffa etengabe hobetuz doa. Gaur egun, maila handiko surflari eta bodyboarder monitoreak (Euskal Herriko Surf Federazioak titulatuak), hezkuntza irakaskuntzan espezialistak eta zuzendaritza talde zoragarria dauzkagu. Dena, zure esperientzia bakarra eta ahaztezina izan dadin.